粵語網路課堂

粵語是漢語方言之一，通行於廣東省大部分地區。據專家統計，包括海外華人在內，用粵語溝通的人不少於七千萬人。粵語作為漢語方言，與普通話固然有著許多相同的地方。然而兩者在語音、辭彙和語法各方面都有不少差異。我們應當注意粵語與普通話的對應關係，找出其中的規律以便提高學習效率。

粵語課程 — 中級

生活風情 — 對話

粵語 意思 拼音
阿麗：華仔，快啲嚟幫我睇吓，我部Note-book神咗。 華仔，快還來幫我看一下，我的筆記本電腦壞了。 Waa4 zai2, faai3 di1 lai4 bong1 ngo5 tai2 haa5, Ngo5 bou6 Note-book san4 zo2.
阿麗：華仔，過年有冇返屋企呀？ 華仔，過年回家了嗎？ Waa4 zai2, gwo3 nin4 jau5 mou5 faan1 uk1 kei2 aa3?
華仔：你冇睇電視咩？今年年尾雪災，火車飛機都唔通，想返都返唔倒啦。 你沒看電視嗎？今年年底有雪災，火車飛機都不通，想回也回不了。 Nei5 mou5 tai2 din6 si6 me1? Gam1 nin4 nin4 mei5 syut3 zoi1, fo2 ce1 fei1 gei1 dou1 m4 tung1, soeng2 faan1 dou1 faan1 m4 dou2 laa1.
阿麗：噉咪好囉，留喺香港逗利事。 那不就好了，可留在香港討紅包。 Gam2 mai6 hou2 lo1, lau4 hai2 hoeng1 gong2 dau6 lai6 si6.
華仔：我都廿幾歲仔嘞，仲有利事逗咩？ 我都二十好幾的人了，還能討紅包嗎？ Ngo5 dou1 jaa6 gei2 seoi3 zai2 laak3, zung6 jau5 lai6 si6 dau6 me1?
阿麗：你做一日王老五，就有一日利事逗。 你只要是單身漢，就能討紅包。 Nei zou6 jat1 jat6 wong4 lou5 ng5, zau6 jau5 jat1 jat6 lai6 si6 dau6.
華仔：噉我就做一世王老五算嘞。 那我一輩子當單身漢好了。 Gam2 ngo5 zau6 zou6 jat1 sai3 wong4 lou5 ng5 syun3 laak3.
阿麗：啋！乜講埋晒啲噉嘅嘢呀？得閒去黃大仙問吓神啦。 呸！怎麼淨說這些東西？有空去黃大仙問一下神吧。 Coi1! Mat1 gong2 maai4 saai3 di1 gam2 ge3 je5 aa3? Dak1 haan4 heoi3 wong4 daai6 sin1 man6 haa5 san4 laa1.
華仔：我聽人講黃大仙好迫人個噃，過年嗰陣我原先都想去睇吓，不過睇倒電視影出嚟嗰啲情境，人頭湧湧，爆晒棚，邊度仲敢去吖。 我聽說黃大仙好擁擠，過年的時候我原來想去看一下，但看電視播出那場面，人山人海，擁擠得很，哪兒還敢去啊。 Ngo5 teng1 jan4 gong2 wong4 daai6 sin1 hou2 zai1 jung2 go3 bo3, gwo3 nin4 go2 zan2 ngo5 jyun4 sin1 dou1 soeng2 heoi3 tai2 haa5, bat1 gwo3 tai2 dou2 din6 si6 jing2 ceot1 lai4 go2 di1 cing4 ging2, jan4 tau4 jung2 jung2, baau3 saai3 paang4, bin1 dou6 zung3 gam2 heoi3 aa3.
阿麗：人哋年初一去黃大仙就係貪熱鬧，爭住上頭炷香，搏翻個好運。 人家大年初一去黃大仙就是要圖個熱鬧，爭著上第一炷香，希望得到好運氣。 Jan4 dei6 nin4 co1 jat1 heoi3 wong4 daai6 sin1 zau6 hai6 taam1 jit6 naau6, zaang1 zyu6 soeng5 tau4 zyu3 hoeng1, bok3 faan1 go3 hou2 wan6.
華仔：點解黃大仙香火零舍旺嘅？ 為什麼黃大仙的香火特別旺？ Dim2 gaai2 wong4 daai6 sin1 hoeng1 fo2 ling4 se3 wong6 ge2?
靈囉。 靈驗吧。 Leng4 lo1.
華仔：求乜嘢最靈呀？ 求什麼最靈驗？ Kau4 mat1 je5 zui3 leng4 aa3?
阿麗：乜都啱。傳說黃大仙原來係個牧羊人，後嚟有神明指點，學識幫人睇病，成仙之後，專門保佑世人健康同財運，所以市民同做生意啲人，都鍾意去拜黃大仙。你去都好啱口架。香港人有句口頭禪都講：黃大仙，有求必應吖嘛。 什麼都行。傳說黃大仙原來是個牧羊人，後來有神明指點，學會了給人看病，成仙之後，專門保佑大家健康和有財運，所以市民和那些做生意的人，都樂意去拜黃大仙。你去也行，香港人就有句口頭禪說：黃大仙，有求必應！ Mat1 dou1 ngaam1. Cyun4 syut3 wong4 daai6 sin1 jyun4 loi4 hai6 go3 muk6 joeng4 jan4, hau6 lai4 jau5 san4 ming4 zi2 dim2, hok6 sik1 bong1 jan4 tai2 beng6, sing4 sin1 zi1 hau6, zyun1 mun2 bou2 jau6 sai3 jan4 gin6 hong1 tung4 coi4 wan6, so2 ji5 si5 man4 tung4 zou6 saang1 yi3 di1 jan4, dou1 zung1 ji3 heoi3 baai3 wong4 daai6 sin1. Nei5 heoi3 dou1 ngaam1 gaa3. Hoeng1 gong2 jan4 jau5 geoi3 hau2 tau4 sim4 dou1 gong2: wong4 daai6 sin1, jau5 kau4 bit1 jing3 aa1 maa3.
華仔：噉身體有咩唔妥，求吓黃大仙係好過搵啲黃綠醫生嘅。你話我求乜好呢？ 那身體如果有不舒服的，求一下黃大仙總比找江湖醫生強吧。你說我求什麼好呢？ Gam2 san1 tai2 jau5 di1 me1 m4 to5, kau4 haa3 wong4 daai6 sin1 hai6 hou2 gwo3 wan2 di1 wong4 luk6 ji1 sang1 ge2. Nei5 waa1 ngo5 kau4 mat1 hau2 ne1?
阿麗：問吓姻緣又得，問吓學業又得。黃大仙廟入面仲有間孔子殿，啱晒你啲讀書人啦。 問一下婚戀方面可以，問一下學業方面的也行。黃大仙廟裏還有一個孔子殿，你們這些讀書人去就合適了。 Man6 haa5 jan1 jyun4 jau6 dak1, man6 haa5 hok6 jip6 jau6 dak1. Wong4 daai6 sin1 jap6 min6 zung6 jau5 gaan1 hung2 zi2 din6, ngaam1 saai3 nei5 di1 duk6 syu1 jan4 laa1.
華仔：我覺得香港人真係好誠心。 我覺得香港人真的好虔誠啊。 Ngo5 gok3 dak1 hoeng1 gong2 jan4 zan1 hai6 hou2 sing4 sam1.
阿麗：係呀，香港寺廟有三百六十幾間，好多都喺市區入面，遇著天后誕、觀音誕、佛誕呢啲噉嘅日子，警察就好辛苦，成日要喺嗰度維持秩序。 對，香港的寺廟有三百六十多座，許多都在鬧市區裏，像天后誕、觀音誕、佛誕這些日子，警察就更辛苦了，整天要在那兒維持秩序。 Hai6 aa3, hoeng1 gong2 zi6 miu2 jau5 saam1 baak3 luk6 sap6 gei2 gaan1, hou2 do1 dou1 hai2 si5 keoi1 jap6 min6, jyu6 zeok6 tin1 hau6 daan3, gwun1 jam1 daan3, fat6 daan3 ni1 di1 gam2 ge3 jat6 zi2, ging2 caat3 zau6 hou2 san1 fu2, seng4 jat6 jiu3 hai2 go2 dou6 wai4 ci4 dit6 zeoi6.
華仔：香港係個中西文化交融嘅地方，市民都從中得益。 香港是一個中西文化交融的地方，市民也從中得到好處。 Hoeng1 gong2 hai6 go3 zung1 sai1 man4 faa3 gaau1 jung4 ge3 dei6 fong1, si5 man4 dou1 cung4 zung1 dak1 jik1.
阿麗：即係點呀？ 這話怎麼說？ Jik1 hai6 dim2 aa3?
華仔：新年春節就唔使講啦，西人嘅聖誕節、復活節都有假放，中國傳統嘅清明、中秋、重陽又有假期，四月初八佛誕亦都唔例外。你話係唔係幾和味呢。 新年春節就不用說了，洋人的聖誕節、復活節放假，中國傳統的清明、中秋、重陽等又有假期，四月初八的佛誕節也照樣放假。你說是不是挺爽的。 San1 nin4 ceon1 jit3 zau6 m4 sai2 gong2 laa1, sai1 jan4 ge3 sing3 daan3 jit3, fuk6 wut6 jit3 dou1 jau5 gaa3 fong3, zung1 gwok3 cyun4 tung2 ge3 cing1 ming2, zung1 cau1, cung4 joeng2 jau6 jau5 gaa3 kei4, sei3 jyut6 co1 baat3 fat6 daan3 jik6 dou1 m4 lai6 ngoi6. Nei5 waa6 hai6 m4 hai6 gei2 wo4 mei6 ne1.
阿麗：香港人信神，希望生活趨吉避凶， 平時講嘢都好講究口架。 香港人相信神，希望生活能趨吉避凶，平時說話都挺講究的。 Hoeng1 gong2 jan4 seon3 san4, hei1 mong6 sang1 wut6 ceoi1 gat1 bei6 hung1, ping4 si4 gong2 je5 dou1 hou2 gong2 gau3 gaa3.
華仔：好似電話冧巴噉，個個都爭住要3呀8呀，4就冇人吼口架喇。 好像電話號碼那樣，誰都搶著要3啊8啊，4就沒有人想要的了。 Hou2 ci5 din6 waa2 nam1 baa2 gam2, go3 go3 dou1 zaang1 zyu6 jiu3 saam1 aa3 baat3 aa3, sei3 zau6 mou5 jan4 hau1 gaa3 laa3.
阿麗：除咗數字，仲有好多，例如“空屋”叫“吉屋”，“豬舌”叫“豬脷”，“通書”叫“通勝”，都係發音方面要避忌嘅。 除了數字，還有許多，例如空房子叫“吉屋”，“豬舌頭”叫“豬脷”，“通書”叫“通勝”，都是發音方面的避諱。 Ceoi4 zo2 sou3 zi6, zung6 jau5 hou2 do1, lai3 jyu4 “hung1 uk1” giu3 “gat1 uk1”, “zyu1 sit6” giu3 “zyu1 lei6”, “tung1 syu1” giu3 “tung1 sing3”, dou1 hai6 faat3 jam1 fong1 min6 jiu3 bei6 gei6 ge3.
華仔：哦，我明喇，“空”個音同“凶”一樣，相反叫“吉”，“書”個音同“輸” 一樣，相反叫“勝”，“舌”個音同蝕本個“蝕” 一樣，相反叫“脷”，即係有利個“利”，冇蝕底吖嘛。 哦，我明白了。“空”音同“凶”，反過來叫“吉”，“書”的音同“輸”，反過來唸“勝”，“舌”音同“折本”的“折”，反過來叫“脷”，即係有利的“利”，不吃虧嘛。 O3, ngo5 ming4 laa3, “hung1” go3 jam1 tung4 “hung1” jat1 joeng6, soeng1 faan2 giu3 “gat1”, “syu1 ” go3 jam1 tung4 “syu1” jat1 joeng6, soeng1 faan2 giu3 “sing3”, “sit6” go3 jam1 tung4 “sit6 bun2” go3 “sit6” jat1 joeng6, soeng1 faan2 giu3 “lei6”, jik1 hai6 “jau5 lei6” go3 “lei6”, mou5 sit6 dai2 aa1 maa3.
阿麗：係醒目噃。講説話要注意，做事亦都有規矩噃。 你腦筋倒轉得挺快。說話固然要注意，做事情也有規矩的。 Hai6 sing2 muk6 bo3. Gong2 syut3 waa6 jiu3 zyu3 ji3, zou6 si6 jik6 dou1 jau5 kwai1 geoi2 bo3.
華仔：唔該你教返我兩度散手。 麻煩你教給我兩下子。 M4 goi1 nei5 gaau1 faan1 ngo5 loeng5 dou6 saan2 sau2.
阿麗：例如送禮千祈唔好送鐘、食魚唔好反轉條魚。 例如送禮物時千萬別送鐘，吃魚的時候，不要把魚反過來。 Lai6 jyu4 sung3 lai5 cin1 kei4 m4 hou2 sung3 zung1, sik6 jyu2 m4 hou2 faan2 zyun3 tiu4 jyu2.
華仔：我明嘞，“鐘”個音同“終”一樣吖嘛，反轉條魚好似隻船反轉噉，梗係唔好啦。 我明白了，“鐘”的音同“終”嘛，把魚反過來就像船翻了一樣，當然不好了。 Ngo5 ming4 laak3, “zung1” go3 jam1 tung4 “zung1” jat1 joeng6 aa1 maa3, faan2 zyun3 tiu4 jyu2 hou2 ci5 zek3 syun4 faan2 zyun3 gam2, gang2 hai6 m4 hou2 laa1.
阿麗：叻仔，話頭醒尾。 聰明，一點就明白。 Lek1 zai2, waa6 tau4 sing2 mei5.
華仔：仲有乜呀? 還有什麼呢？ Zung6 jau5 mat1 aa3?
阿麗：第日至教你啦，你咁叻，容乜易吖。 以後再教你吧，你那麼聰明，容易得很。 Dai6 jat6 zi3 gaau3 nei5 laa1, nei5 gam2 lek1, jung4 mat1 ji6 aa1.
華仔：多謝晒。 謝謝了！ Do1 ze6 saai3.

生活風情 — 詞語解釋

粵語 意思
逗利是 逗，討要。利事，紅包，也寫作“利是”或“利市”。
王老五 單身漢。
啋 感歎詞，認為對方說的話不吉利，用以表示反對。女性多用。
講埋晒啲噉嘅嘢 淨說這些東西。 動詞+埋晒啲噉嘅嘢，可看成一個結構，如說：“睇埋晒啲噉嘅嘢”，“聽埋晒啲噉嘅嘢”，“做埋晒啲噉嘅嘢”，“食埋晒啲噉嘅嘢”等等。
影 播放。
爆晒棚 非常擁擠；爆棚，擁擠。
邊度 哪， 哪兒，哪里。
貪 圖。
零舍 特別。
黃綠醫生 庸醫。
西人 西方人，洋人。
和味 本義是指味道很好，此處指情況很好，讓人滿足，感覺挺爽。
冧巴 號碼，英語number的譯音。
吼 音hau1。想要，覬覦。
蝕底 吃虧。
兩度散手 散手，指本領、技能；兩度散手，即兩下子。
話頭醒尾 指人聰明，能舉一反三，觸類旁通，提示一下就全明白了。

生活風情 — 短文

粵語 意思
都話香港地方細，其實幾千平方公里都唔細得去邊，不過山多，用得嘅地方就唔多，好多商業區係填海填出來嘅。
亞熱帶氣候，又四周係山同埋海，風景當然好，氣候亦舒服過世界上好多地方，冬天唔凍，夏天唔熱，唯一唔好嘅時候就係清明前後，潮濕，成日濕淰淰，衫都曬唔乾嚟著。
至於香港嘅公共交通，就真係濕水棉花冇得彈嘞，極之方便，地鐵火車快捷妥當，巴士的士川流不息，買張八達通，想去邊就去邊，話都冇咁易。
購物天堂就名副其實嘞，外國名牌唔使講，其他電器衫褲好多都平過大陸。食嘢、飛髮就貴過大陸啲，不過香港人過深圳消費易過借火，一日出入幾次都算係家常便飯。
香港嘅金融同資訊服務相當發達，銀行為咗鼓勵你用信用咭，聯手商家，折頭大，仲分期付款；手機電話都好平，喺香港打電話去大陸，仲平過大陸打返大陸；上網又平又快，好多地方仲有免費嘅無線網絡服務。
講到學校生活，物質條件好過國內啲好多，有人話甚至好過美國唔少嘅學校。香港嘅學生好少住喺學校，所以一到週末學校就冷冷清清。
 都說香港地方小，其實幾千平方公里也小不到哪去，不過山多，能用的地方不多罷了，許多商業區是填海而來的。
亞熱帶的氣候，四面是山和海，風景當然好，氣候也比世界上許多地方好，冬天不冷，夏天不熱，只有清明前後一段時間不好，潮濕，整天都是濕漉漉的，衣服也曬不乾來穿。
至於香港的公共交通，那就沒說的了，極為方便，地鐵火車快捷妥當，公共汽車出租汽車川流不息，買一張八達通卡，想上哪兒便上哪兒，太容易了。購物天堂是名副其實的，外國名牌不用說，其他的電器服裝等有許多都比大陸便宜。吃東西、理髮就比大陸稍貴一點，但是香港人去深圳消費太方便了，一天出入境幾次也算是家常便飯。
香港的金融和資訊服務相當發達，銀行為了鼓勵你用信用卡，和商家聯手，折扣大，還能分期付款；手機電話也很便宜，從香港打電話到大陸，比在大陸打國內電話還要便宜；上網又便宜又快，許多地方還有免費的無線上網服務。
說到學校生活，物質條件比國內的就好多了，有人說甚至比美國不少學校還要好。香港的學生很少住在學校裏，所以一到週末，學校就冷冷清清的了。
詞語注釋﹕(1) 濕淰淰： 淰，音nam6。濕漉漉的樣子。
(2) 濕水棉花冇得彈 ：粵語談論評價的意思說“彈”，此歇後語借彈棉花的彈來指談論評價之意。棉花被水濕了，當然就彈不了了。
(3) 易過借火 ：向別人借火是輕而易舉的事，比借個火還容易，就是太容易了。

生活風情 — 練習

(1) 用本課學過的詞語以粵語說出下列句子。
你長得這麼帥，不會一輩子打光棍的，別急。
按此看範例
你咁靚仔，不會成世做王老五嘅，唔使急。
別總是看武俠小說這些東西，把你的時間都浪費了。
按此看範例
唔好成日睇埋晒武俠小說啲咁嘅嘢，嘥晒你啲時間。
聖誕節那幾天，蘭桂坊人山人海，非常擁擠。
按此看範例
聖誕節嗰幾日，蘭桂坊人山人海，爆晒棚。
去年買了一個房子，現在哪里還有錢啊？
按此看範例
舊年買咗一層樓，而家邊度仲有錢吖？
他這個人特別吝嗇，從來沒請朋友吃過一頓飯。
按此看範例
佢個人零舍孤寒，從來都未請朋友食過一餐飯。
有些老外也會用筷子吃飯。
按此看範例
有啲西人都識得用筷子食飯。
你一個月的工資有兩萬多，真夠爽的。
按此看範例
你一個月有兩萬幾人工，夠晒和味啦。
他已四十多歲了，再能幹也沒人看得上了。
按此看範例
佢都四十幾歲嘞，叻極都冇人吼啦。
這孩子聰明伶俐，一教就懂。
按此看範例
呢個細路話頭醒尾，一教就識。
在香港想買部手機真是容易得很，什麼款式的都有。
按此看範例
喺香港想買部手機真係易過借火，乜嘢款式嘅都有。
(2) 請用粵語讀出以下一段。
愛書本來是一種好的習慣，可是對一些人來說，愛書對他並沒有太大的意義。明代有一個姓謝的學者曾經對愛書的人有這樣的評論。他說：愛書的朋友往往有下面這三種情形，都是不好的：
一種是愛面子，把書放在書架上只是為了欣賞。收藏的書裝幀很講究，但是除了漂亮整齊外，主人對書的內容全然不知。這樣有書跟沒書是沒有分別的。
一種是耗盡全力，多方收羅，只求多多收藏，卻從不閱讀研究，讓書本擱置不動，任它落滿灰塵。那樣只能算它作書店罷了。
一種是確實讀了不少書，一年到頭累得要命，但是人不聰明，食而不化，書是能背得下來，但毫無用處。這樣讀書跟不讀書也差不多。
對書，我們要從瞭解它到愛它，從愛它到運用它，古人今人都應該這樣。

中級