粵語網路課堂

粵語是漢語方言之一，通行於廣東省大部分地區。據專家統計，包括海外華人在內，用粵語溝通的人不少於七千萬人。粵語作為漢語方言，與普通話固然有著許多相同的地方。然而兩者在語音、辭彙和語法各方面都有不少差異。我們應當注意粵語與普通話的對應關係，找出其中的規律以便提高學習效率。

粵語課程 — 中級

新聞書刊 — 對話

粵語 意思 拼音
阿麗：大件事喇，華仔。 出大事了，華仔。 Daai6 gin6 si6 laa3, waa4 zai2.
華仔：咩大件事呀？嗌到成間屋都震埋。 什麼大事啊？叫得房子都震動了。 Me1 daai6 gin6 si6 aa3? Aai3 dou3 seng4 gaan1 uk1 dou1 zan3 maai4.
阿麗：畀你講中咗添，四川大地震呀！ 讓你說中了，四川大地震了。 Bei2 nei5 gong2 zung3 zo2 tim1, sei3 cyun1 daai6 dei6 zan3 aa3!
華仔：你點知口架？ 你怎麼知道的？ Nei5 dim2 zi1 gaa3?
阿麗：電視報紙都出晒街啦，你都仲唔知？有冇搞錯呀？ 電視報紙全都報道了，你還不知道？有沒弄錯呀？ Din6 si6 bou3 zi2 dou1 ceot1 saai3 gaai1 laa1, nei5 zung6 m4 zi1? Jau5 mou5 gau2 co3 aa3?
華仔：我唔係唔知，上網第一時間就知道啦，不過我唔慣睇電視報紙之嘛。 我不是不知道，一上網就立即可以知道了，我不過不習慣看電視報紙而已。 Ngo5 m4 hai6 m4 zi1, soeng5 mong5 dai6 jat1 si4 gaan3 zau6 zi1 dou3 laa1, bat1 gwo3 ngo5 m4 zaap6 gwaan3 tai2 din6 si5 bou3 zi2 zi1 maa3.
阿麗：你大學生嚟嗰噃，連報紙都唔睇？ 你可是大學生呀，連報紙也不看？ Nei5 daai6 hok6 saang1 lai4 go3 bo3, lin4 bou3 zi2 dou1 m4 tai2?
華仔：報紙啲嘢好八卦，我費事睇。 報紙內容都是些無聊瑣事，我懶得看。 Bou3 zi2 di1 je5 hou2 baat3 gwaa3, ngo5 fai3 si6 tai2.
阿麗：睇嚟你對香港啲報紙有偏見噃。 看來你對香港的報紙有偏見。 Tai2 lai4 nei5 deoi3 hoeng1 gong2 di1 bou3 zi2 jau5 pin1 gin3 bo3.
華仔：噉事實係吖嘛，成日報啲明星緋聞，無聊都死。 那是事實嘛，老是報道明星緋聞，太無聊了。 Gam2 si3 sat6 hai6 aa1 maa3, seng4 jat6 bou3 di1 ming4 sing1 fei1 man4 mou4 liu4 dou3 sai2.
阿麗：八卦嘢係有，不過正經嘢都唔係冇口架嘛。香港報刊有好多種，有啲好嚴肅，有啲就輕鬆啲。 無聊的東西是有，不過正經的東西也不是沒有。香港的報刊有好多種，有的很嚴肅，有的就輕鬆些。 Baat3 gwaa3 je5 hai6 jau5, bat1 gwo3 zing3 ging1 je5 dou1 m4 hai6 mou5 gaa1 maa3. Hoeng1 gong2 bou3 hon1 jau5 hou2 do1 zung2, jau5 di1 hou2 jim4 suk1, jau5 di1 zau6 hing1 sung1 di1.
華仔：有啲就八卦啲，有啲仲鹹濕啲添噃，係唔係呀？ 有的就無聊些，有的就色情些，對不對？ Jau5 di1 zau6 baat3 gwaa3 di1, jau5 di1 zung6 haam4 sap1 di1 tim1 bo3, hai6 m4 hai6 aa3?
阿麗：香港新聞自由，梗係乜都有口架啦。 香港新聞自由，當然是什麼都有了。 Hoeng1 gong2 san1 man4 zi6 jau4, gang2 hai6 mat1 dou1 jau5 gaa3 laa1.
華仔：理得佢自唔自由，反正我冇咁多時間去睇。 管它自由不自由，反正我沒那麼多時間去看。 Lei5 dak1 keoi5 zi6 m4 zi6 jau4, faan2 zing3 ngo5 mou5 gam2 do1 si4 gaan3 heoi3 tai2.
阿麗：噉唔睇報紙你都睇吓電視啦。 那你不看報紙，電視也該看一下吧。 Gam2 m4 tai2 bou3 zi2 nei5 dou1 tai2 haa5 din6 si6 laa1.
華仔：電視啲主持人口水多過茶，睇見就煩。劇集唔係埕埕塔塔就係打打殺殺，有乜好睇呀？總之上網好過啦。 電視節目主持人廢話連篇，看了就煩。電視劇不是談情說愛，就是打打鬥鬥的，有啥好看呀？總之都比不上上網。 Din6 si6 di1 zyu2 ci4 jan4 hau2 seoi2 do1 gwo3 caa4, tai2 gin3 zau6 faan4. Kek6 zaap6 m4 hai6 cing4 cing4 taap3 taap3 zau6 hai6 daa2 daa2 saat3 saat3, jau5 mat1 hou2 tai2 aa3? Zung2 zi1 soeng5 mong5 hou2 gwo3 laa1.
阿麗：哈，你個人真係枕頭木虱包咬頸嘅。 嘿，你這個人就是會抬杠。 Haa1, nei5 go3 jan4 zan1 hai6 zam2 tau4 muk6 sat1 baau1 ngaau3 geng2 ge2.
華仔：見你成日攬住部電視機，專登激吓你啫。我都知，香港資訊發達，報紙電視都好緊要口架嘛。 我看你整天盯著部電視機不放，故意氣氣你。我也知道，香港資訊發達，電視是很重要的。 Gin3 nei5 seng4 jat6 laam2 zyu6 bou6 din6 si6 gei1, zyun1 dang1 gik1 haa5 nei5 ze1. Ngo5 dou1 zi1, hoeng1 gong2 zi1 seon3 faat3 daat6, bou3 zi2 din6 si6 dou1 hou2 gan2 jiu3 gaa1 maa3.
阿麗：不過呢，無聊嘅甚至不良嘅刊物就的而且確都唔少。 不過呢，無聊的甚至不好的刊物就確實不少。 Bat1 gwo3 ne1, mou4 liu4 ge3 sam6 zi3 bat1 loeng4 ge3 hon2 mat6 zau6 dik1 ji4 ce2 kok3 dou1 m4 siu2.
華仔：對我哋學生嚟講，除咗報刊之外，買書都係一件好緊要嘅事嚟口架。同大陸比，香港啲書店實在細，書又貴得多。不過有啲書呢，喺大陸買唔倒，幾貴都要喺香港買嘞。 對我們學生來說，除了報刊之外，買書也是一件 很重要的事啊。跟大陸相比，香港的書店實在太小了，書也貴得多。但是有的書呢，在大陸買不到，多貴都得在香港買。 Deoi3 ngo5 dei6 hok6 saang1 lai4 gong2, ceoi4 zo2 bou3 hon2 zi1 ngoi6, mai5 syu1 dou1 hai6 jat1 gin6 hou2 gan2 jiu3 ge3 si6 lai4 gaa3. Tung4 daai6 luk6 bei2, hoeng1 gong2 di1 syu1 dim3 sat6 zoi6 sai3, syu1 jau6 gwai3 dak1 do1. Bat1 gwo3 jau5 di1 syu1 ne1, hai2 daai6 luk6 maai5 m4 dou2, gei2 gwai3 dou1 jiu3 hai2 hoeng1 gong2 maai5 laak3.
阿麗：其實電視都唔係你講得咁衰嘅，有啲節目仲唔錯口架，有啲仲好有知識性添。 其實電視也不是你說的那麼不好，有的節目還不錯的，有的還挺有知識性的。 Kei4 sat6 din6 si6 dou1 m4 hai6 nei5 gong2 dak1 gam2 seoi1 ge2, jau5 di1 zit3 muk6 zung6 m4 co3 gaa3, jau5 di1 zung6 hou2 jau5 zi1 sik1 sing3 tim1.
華仔：噉又係，電視新聞好有現場感，其他傳媒係冇法子替代嘅。就好似四川地震報道噉啦，文字描述點及得上電視畫面震撼噃？ 那也是，電視新聞很有現場感，其他傳媒是無法替代的。就如四川地震報道吧，文字描述怎麼比得上電視的畫面有震撼力啊。 Gam2 jau6 hai6, din6 si6 san1 man4 hou2 jau5 jin6 ceon4 gam2, kei4 taa1 cyun4 mui4 hai6 mou5 faat3 zi2 tai3 doi6 ge3. Zau6 hou2 ci5 sei3 cyun1 dei6 zan3 bou3 dou6 gam2 laa1, man4 zi6 miu4 seot6 dim2 kap6 dak1 soeng5 din6 si6 waa2 min2 zan3 ham6 bo3.
阿麗：仲有呀，好似啲賑災義演呀，現場幾感人呀。 還有，像賑災義演這些，現場多感人啊。 Zung6 jau5 aa3, hou2 ci5 di1 zan3 zoi1 ji6 jin2 aa3, jin6 coeng4 gei2 gam2 jan4 aa3.
華仔：我舊時喺大陸都鍾意睇香港電視，主要係睇無線同亞視嘅英文台，即係明珠台同國際台。 我過去在大陸也喜歡看香港電視，主要是看無線和亞視的英文台，也就是明珠台和國際台。 Ngo5 gau6 si4 hai2 daai6 luk6 dou1 zung1 ji3 tai2 hoeng1 gong2 din6 si6, zyu2 jiu3 hai6 tai2 mou4 sin3 tung4 aa3 si6 ge3 jing1 man4 toi4, zik1 hai6 ming4 zyu1 toi4 tung4 gwo3 zai3 toi4.
阿麗：噉你啲英文咪好勁。 那你的英文不是很了得？ Gam2 nei5 di1 jing1 man2 mai6 hou2 ging6?
華仔：唔係我英文勁，係我想睇電視學英文啫。 不是我的英文了得，而是我想看電視學英文。 M4 hai6 ngo5 jing1 man2 ging6, hai6 ngo5 soeng2 tai2 din6 si6 hok6 jing1 man2 ze1.
阿麗：噉你而家睇電視學廣東話咪得囉。 那你現在不也可以看電視學廣東話？ Gam2 nei5 ji4 gaa1 tai2 din6 si6 hok6 gwong2 dung1 waa2 mai6 dak1 lo1.
華仔：呢樣嘢就唔使你教喇。 這就不用你指點了。 Ni1 joeng6 je5 zau6 m4 sai2 nei5 gaau3 laa3.
阿麗：懶叻！ 逞能！ Laan2 lek1.
華仔：講吓笑啫，唔使嬲喎。 開開玩笑嘛，別生氣啊。 Gong2 haa5 siu3 ze1, m4 sai2 nau1 wo3.

新聞書刊 — 詞語解釋

粵語 意思
大件事 大事。直接用是「出了大事」的意思。
出晒街 新聞廣告等播出來了叫「出街」，就是「都拿到街上去了」的意思。
八卦 形容「說三道四」、「多嘴多舌」、「愛管閑事」等，這裏指的是一些無聊瑣事。
費事 不想，不願意，懶得（做）。
早嗰輪 前一段時間。「輪」表示一段時間，如「呢一輪」，就是最近這段時間。
鹹濕 下流的，色情的，猥瑣的。
口水多過茶 形容一個人廢話說得太多。
埕埕塔塔 「埕」和「塔」都是陶製容器，因「埕」音諧「情」，故以「埕埕塔塔」喻「情情愛家」、「卿卿我我」。
枕頭木虱包咬頸 歇後語。枕頭上的跳蚤，專門咬人的脖子（頸）。粵語「咬頸」是爭論，「包咬頸」是總要與人抬杠的意思。「木虱」，跳蚤。
攬 抱，摟。
專登 故意。
的而且確。 的確，確實。
幾 幾+形容詞+都 表示無論多……也，如「幾熱都唔開冷氣」（無論多熱也不開空調）。
衰 不好，壞。
懶叻 逞能。叻，能幹，聰明。

新聞書刊 — 短文

粵語 意思
香港呢個地方雖然細，但喺有唔少報紙同雜誌，有啲銷量仲好好添，好受市民大眾歡迎。而家香港出版嘅報紙，走大眾化路線、銷量比較高嘅報紙有《蘋果日報》、《東方日報》、《太陽報》，呢幾份報紙嘅特色喺圖片多，娛樂新聞豐富，好多時仲會連同一啲大型連鎖店送贈券俾讀者，例如買嘢有折扣或者係免費送贈品。有啲人為咗要多幾份贈品，會走去買幾份相同嘅報紙。試過有幾次，喺換領贈品啲鋪頭外面就大排長龍，呢啲宣傳手法喺香港先至見到口架！不過，唔喺個個人都鍾意睇呢啲報紙嘅，《星島日報》、《明報》就有一班文教界嘅讀者，好似老師、學生。為咗吸引多啲學生訂閱，呢兩間報紙喺每個學年同暑假期間都推出優惠俾學生，內容方面亦加插咗唔少校園趣事、各學科知識、升學途徑、選校指南、會考全攻略等。佢地仲設有投稿欄，俾學生發表個人嘅作品。至於《經濟日報》、《信報》就專門走財經界路線，係投資嘅人士必讀嘅報紙。呢兩份報紙嘅副刊請到一啲專欄作家都幾有料，佢地嘅分析都幾準口架。《大公報》、《文匯報》、《香港商報》呢幾份報紙就專門報導同中國內地有關嘅消息。香港仲有一啲「馬經」，逢賽馬日先至出版，滿足馬迷嘅需要，有晒所有馬匹、騎師、排位嘅資料，馬評人仲會提供心水嘅貼士俾馬迷參考。除咗中文報紙之外，香港仲有兩份英文報紙，佢哋嘅讀者除咗係外國人之外，仲有文教界同政經界人士。
香港嘅報業競爭越嚟越激烈，早幾年已經推出咗一啲免費報紙，好似《都市日報》、《頭條日報》同《am730》，逢星期一至星期五，朝朝早喺地鐵站都有專人派俾乘客睇，有啲人仲攞幾份嚟睇，睇完之後順手擘落垃圾桶，朝朝都係噉。
上面提到啲報紙，有啲仲出埋雜誌添，例如專門報導娛樂圈動態嘅雜誌《壹週刊》、《東周刊》。而《明報月刊》、《信報財經月刊》就兼具專業、同綜合性質。至於《亞洲週刊》就以區內嘅時事評論為主，中、英文都有。		 香港這個地方雖然小，但是有不少報紙和雜誌，有些的銷量是很不錯的，很受市民大眾歡迎。現在在香港出版的報紙，走大眾化路線、銷量比較高的報紙有《蘋果日報》、《東方日報》、《太陽報》，這幾份報紙的特色是圖片比較多，娛樂新聞豐富，很多時還會連繫一些大型連鎖店送贈券給讀者，譬如買東西有折扣或者是免費送贈品。有些人為了要多拿幾份贈品，會多買幾份相同的報紙。有幾次，在換領贈品的店鋪門外面就有很多人排隊，這種宣傳手法在香港才可以看到哩！不過，不是每個人都喜歡看這幾份報紙的，《星島日報》、《明報》就有一群文教界的讀者，譬如老師、學生。為了吸引多些學生訂閱，這兩家報館在每個學年和暑假期間都給學生優惠，內容方面也加入了不少校園趣事、各學科知識、升學途徑、選校指南、會考全攻略等。此外，還設有投稿園地，讓學生發表個人的作品。至於《經濟日報》、《信報》，便專門走財經界路線，是投資人士必讀的報紙。這兩份報紙的副刊邀請的一些專欄作家都有兩下子，他們的分析是挺準確的。《大公報》、《文匯報》、《香港商報》這幾份報紙就專門報導與中國內地有關的消息。香港還有一些賽馬報刊，每逢賽馬日出版，滿足馬迷的需要，詳細報導所有馬匹、騎師、賽道的資料，馬評人還會提供應該會跑贏的馬匹給馬迷參考。除了中文報紙之外，香港還有兩份英文報紙，它們的讀者除了外國人之外，還有文教界及政經界人士。
香港的報業競爭越來越激烈，早幾年已經推出了一些免費報紙，譬如《都市日報》、《頭條日報》和《am730》，每逢星期一至星期五，每天早上在地鐵站都有專人派發給乘客看，有些人還拿幾份來看，看完之後順手扔到垃圾箱裏，每天如是。　
上述的報紙，有幾家還會出版雜誌，例如專門報導娛樂圈動態的雜誌《壹週刊》、《東周刊》。而《明報月刊》、《信報財經月刊》便兼具專業和綜合性質，形象鮮明。至於《亞洲週刊》則以區內的時事評論為主，中、英文並重。

新聞書刊 — 練習

(1) 用本課學過的詞語以粵語說出下列句子。
我的身份證不見了，麻煩可大了。
按此看範例
我嘅身份證唔見咗，真係大件事嘞。
人家談戀愛關你什麼事？別這麼好管閒事。
按此看範例
人哋拍拖關你咩事？唔好咁八卦。
他老是給我打電話，我都懶得理他。
按此看範例
佢成日打電話比我，我都費事睬佢。
網上有很多東西是色情的，不要讓小孩子隨便上網。
按此看範例
網上有好多嘢好鹹濕，唔好比啲細路隨便上網。
李主任在大會上講話太囉嗦，我們聽了都打瞌睡。
按此看範例
李主任喺大會度講話口水多過茶，我哋聽到瞌(hap7)眼瞓。
那天游泳他差點淹死了，幸虧他抱著一個救生圈。
按此看範例
嗰日游水佢差啲浸死咗，好在佢攬住個水抱。
他好像怕人聽不懂他說的話，故意說得很慢。
按此看範例
佢好似驚人聽唔明佢講嘅嘢，專登講得好慢。
無論多晚，我都要收一遍電子郵件才睡覺。
按此看範例
幾夜我都要開一次電子郵件先至瞓覺。
好人壞人一眼就能看出來。
按此看範例
好人衰人一眼就睇得出嚟。
人家專家都說不行，你卻說行，逞能！
按此看範例
人哋專家都話唔得，你又話得，懶叻！
(2) 請用粵語讀出以下一段。
有一天，一個年輕人給他住在附近的女朋友寫信。在信中，他告訴她，他非常愛她，為了能和她在一起，他願意克服任何困難，經歷任何艱險，願意面對可以想像出的最大危險。他越寫越有詩意，繼續寫道，如果能和她一起度過哪怕一分鐘，他情願攀上世界上最高的山峰，游過世界上最寬的河流，走入最深的叢林，同最兇惡的野獸進行搏鬥。
他寫完信，簽上姓名。忽然他想起忘了一件十分重要的事情，他就在名字下面又補充了一句附言：「順便說一下兒，如果星期三晚上不下雨的話，我要去看你。」		 有一日，一個後生仔寫信比佢住喺附近嘅女朋友。喺信入面，佢話比佢知，佢好愛佢，為咗能夠同佢喺埋一齊，佢願意克服任何困難，經歷任何艱險，願意面對可以想像出嘅最大危險。佢越寫就越有詩意，仲繼續寫：如果能夠同佢一齊度過一分鐘都好，佢情願攀上世界上最高嘅山峰，游過世界上最闊嘅河流，走入最深嘅叢林，同最兇殘嘅野獸進行搏鬥。
佢寫完信，簽上個名。忽然之間佢諗起不記得咗一件好重要嘅事情，佢就喺個名下面又補充咗一句話：「順便講句，如果禮拜三晚唔落雨嘅話，我要去睇吓你。」

中級